اسلام آباد (ويب ڊيسڪ) ڪي اليڪٽرڪ سميت سڄي ملڪ جي بجلي صارفين لاءِ هڪ مهيني لاءِ بجلي مهانگي ڪئي وئي آهي.
اگسٽ جي مهيني جي فيول چارجز ايڊجسٽمينٽ بابت نيپرا هيڊڪوارٽر ۾ عوامي ٻڌڻي مڪمل ٿي، جنهن کان پوءِ اعلاميو جاري ڪيو ويو.
نيپرا جي اعلاميي موجب، عوامي ٻڌڻي چيئرمين نيپرا جي صدارت هيٺ ٿي، جنهن ۾ سي پي پي اي جي جي عهديدارن، واپاري برادري، توانائي وزارت جي نمائندن، صحافين ۽ عام شهرين ڀرپور شرڪت ڪئي.
سي پي پي اي جي طرفان فيول چارجز ايڊجسٽمينٽ (ايف سي اي) جي مد ۾ 19 پئسا في يونٽ واڌ جي درخواست جمع ڪرائي وئي، جنهن جو اطلاق صرف هڪ مهيني لاءِ ٿيندو.
سي پي پي اي جي موجب، هي واڌ ڊسڪوز سميت ڪي اليڪٽرڪ جي سڀني صارفين تي لاڳو ٿيندي، سواءِ لائف لائن صارفين، پري پيڊ صارفين ۽ اليڪٽرڪ گاڏين جي چارجنگ اسٽيشنز تي.
نيپرا موجب، اتھارٽي سڀني لاڳاپيل اسٽيڪ هولڊرن جي راءِ غور سان ٻڌي، ۽ ڊيٽا جي وڌيڪ جاچ کان پوءِ تفصيلي فيصلو جاري ڪيو ويندو.
بجلي جي پيداوار جي لاڳت
اگسٽ ۾ ڊسڪوز کي 102.94 ارب يونٽ بجلي فراهم ڪئي وئي. ان مهيني بجلي جي مجموعي پيداوار جي لاڳت 7.31 رپيا في يونٽ جي مقابلي ۾ 7.50 رپيا في يونٽ رهي.
– مقامي ڪوئلو: 12.01 رپيا في يونٽ
– درآمدي ڪوئلو: 14.07 رپيا في يونٽ
– فرنس آئل: 33 رپيا في يونٽ
– گياس: 13.43 رپيا في يونٽ
– ايل اين جي: 21.73 رپيا في يونٽ
– ايران مان درآمد ٿيل بجلي: 41 رپيا في يونٽ
– بگاس (گڻ جي باقيات): 9.87 رپيا في يونٽ.
