اسلام آباد(ويب ڊيسڪ) ڀروسي جوڳن ذريعن دعويٰ ڪئي آهي ته پاڪستان پيپلز پارٽي ۽ مسلم ليگ (ن) جي اڳواڻن وچ ۾ ٿيل ملاقات دوران ڳالهه ٻولهه ذريعي سمورا سياسي ۽ انتظامي مسئلا حل ڪرڻ تي اتفاق ڪيو ويو آهي.
ذريعن موجب، اها اهم ملاقات پارليامينٽ هائوس جي اسپيڪر چيمبر ۾ ٿي، جنهن ۾ قومي اسيمبلي جي اسپيڪر سردار اياز صادق، نائب وزيراعظم اسحاق ڊار، رانا ثناءُ الله، اعظم نذير تارڙ، طارق فضل چوڌري ۽ رانا مبشر شرڪت ڪئي.
پيپلز پارٽي جي نمائندگي نويد قمر ۽ اعجاز جاکھراني ڪئي. ملاقات دوران پيپلز پارٽي طرفان پنجاب جي وزيراعليٰ مريم نواز جي ڪجهه بيانن تي تحفظات جو اظهار ڪيو ويو، جنهن تي ٻنهي پارٽين افهام و تفهيم سان مسئلا سلجهائڻ تي اتفاق ڪيو.
