اسلام آباد (ويب ڊيسڪ) اسلام آباد جي ڊسٽرڪٽ اينڊ سيشن ڪورٽ ۾ ايمان مزاري ۽ سندس مڙس هادي علي چٺه خلاف متنازع ٽوئٽ ڪيس جي ٻڌڻي جج محمد افضل مجوکه جي سربراهيءَ ۾ ٿي، جنهن دوران ملزمان رستن جي بندش سبب عدالت ۾ پيش نه ٿي سگهيا.
سماعت دوران سرڪاري وڪيل عثمان رانا ايڊووڪيٽ عدالت ۾ پيش ٿيو ۽ موقف اختيار ڪيو ته ملزمان ڄاڻي واڻي پيش نه ٿي رهيا آهن ۽ ڪيس کي ڊگهو ڪرڻ جي ڪوشش ڪري رهيا آهن.
عدالت، صورتحال جو جائزو وٺندي، ايمان مزاري ۽ هادي علي چٺه کي ايندڙ ٻڌڻي تي لازمي طور پيش ٿيڻ جي هدايت ڪئي ۽ ڪيس جي ٻڌڻي 13 آڪٽوبر تائين ملتوي ڪري ڇڏي.
واضح رهي ته ايمان مزاري ۽ هادي علي چٺه خلاف نیشنل سائبر ڪرائم انويسٽيگيشن ايجنسي (NCCIA) پاران مقدمہ درج ڪيو ويو آهي.
