ڪراچي(ويب ڊيسڪ) عالمي ۽ مقامي مارڪيٽن ۾ سون جي قيمت ۾ لاٿ جو سلسلو جاري آهي، جنهن سبب پاڪستان ۾ في تولو سون جو اگهه 3 هزار 500 رپيا گهٽجي 4 لک 33 هزار 862 رپين جي سطح تي اچي ويو.
تفصيل موجب، عالمي بلين مارڪيٽ ۾ في اونس سون جي قيمت 35 ڊالر جي وڏي لاٿ سان 4 هزار 115 ڊالر تي پهچي وئي، جنهن جو اثر مقامي مارڪيٽ تي به پيو.
سون جي قيمت ۾ لاٿ سبب في 10 گرام سون جو اگهه به 3 هزار 001 رپيا گهٽجي 3 لک 71 هزار 966 رپيا ٿي ويو.
مارڪيٽ ماهرن موجب، عالمي سطح تي ڊالر جي قيمت، معاشي غير يقيني صورتحال ۽ واپارين جي محتاط رويي سبب قيمتن ۾ لاٿ ڏسڻ ۾ اچي رهي آهي. سون جي قيمت ۾ لاٿ سان زيورن جي خريداري ڪندڙن لاءِ رليف جو امڪان آهي، جڏهن ته سيڙپڪارن لاءِ محتاط رويي جي ضرورت آهي.
