راولپنڊي (ويب ڊيسڪ) ڊي جي آءِ ايس پي آر ليفٽيننٽ جنرل احمد شريف چوڌري چيو آهي ته پاڪستان دهشتگردي ۽ خوارجن خلاف اثرائتا قدم کنيا آهن، ۽ دشمن جي ڪنهن به جارحيت آڏو پاڪ فوج ۽ عوام سيهي پلائي ديوار ثابت ٿيندا.
مردان جي مختلف يونيورسٽين ۽ مدرسن جي استادن ۽ شاگردن سان خاص نشست دوران جنرل احمد شريف معرڪو حق، تازين پاڪ افغان ڇڪتاڻن ۽ سلامتيءَ جي صورتحال تي تفصيلي ڳالهه ٻولهه ڪئي.
هن چيو ته قوم جي اتحاد، فوج جي قربانين ۽ امن جي ڪوششن سان ملڪ دشمن عنصرن جا ارادا ناڪام ٿيندا. شاگردن ۽ استادن غازيَن ۽ شهيدن کي ڀيٽا پيش ڪندي پاڪ فوج جي ڪردار کي ساراهيو.
شاگردن جو چوڻ هو ته سوشل ميڊيا تي ملڪ دشمن پروپيگنڊا جي حقيقتن کان آگاهي ملي، ۽ هاڻ نوجوان پاڪ فوج جي شانه بشانه بيهڻ لاءِ تيار آهن.
ملڪ جي سلامتي، امن ۽ ترقيءَ لاءِ پاڪ فوج ۽ عوام جو اتحاد ناقابلِ شڪست آهي.
