ڪراچي (ويب ڊيسڪ) شهرِ قائد ۾ ٽريفڪ پوليس پاران اي چالان نظام جي لاڳو ٿيڻ بعد ٽريفڪ قانونن جي ڀڃڪڙين تي سخت ڪارروائيون جاري آهن. گذريل 24 ڪلاڪن دوران ٽريفڪ پوليس طرفان مجموعي طور تي 2 ڪروڙ 15 لک رپين کان وڌيڪ رقم جا 4301 اليڪٽرانڪ چالان جاري ڪيا ويا.
ٽريفڪ پوليس جي ترجمان موجب، فيس ليس اي ٽڪٽنگ نظام جي شروعات کانپوءِ صرف ابتدائي 6 ڪلاڪن ۾ 2662 چالان جاري ٿيا، جڏهن ته منگل جي رات 12 وڳي تائين مجموعي انگ 4301 تائين پهچي ويو
چالانن جي تفصيل
- – سيٽ بيلٽ جي ڀڃڪڙي: 2290
- اوور اسپيڊنگ: 845
- بغير هيلميٽ: 655
- ريڊ لائيٽ جي ڀڃڪڙي: 306
- ڌ موبائل فون جو استعمال: 162
- ڌ رانگ وي: 33
- ڌ لين لائن جي غلط استعمال: 21
- غير قانوني پارڪنگ: 15
- اوور لوڊنگ: 4
- ون وي اسٽريٽ تي رانگ وي: 16
- ڪارا شيشا: 3
- اسٽاپ لين جي ڀڃڪڙي:
نظام جو مقصد
ترجمان موجب، اي چالان نظام جو مقصد شهرين ۾ ٽريفڪ قانونن جي پاسداري کي يقيني بڻائڻ ۽ نگراني کي وڌيڪ مؤثر بڻائڻ آهي. عوامي تعاون سان هي نظام وڌيڪ بهتر بڻايو پيو وڃي.
شهرين کي اپيل ڪئي وئي آهي ته هو ٽريفڪ قانونن جي مڪمل پيروي ڪن ته جيئن شهر ۾ ٽريفڪ جو نظام بهتر ٿئي ۽ حادثن ۾ گهٽتائي آڻي سگهجي.
