اسلام آباد (ويب ڊيسڪ) پاڪستان ۽ افغان طالبان جي وچ ۾ ڳالهين جو ٻيو دور شيڊول موجب سڀاڻي خميس ڏينهن استنبول ۾ ٿيندو.
ذريعن موجب، جيڪڏهن افغان طالبان جو ڪو سينيئر وزير استنبول وڃي ٿو ته پاڪستان طرفان بچاءُ وارو وفاقي وزير خواجه آصف وفد جي اڳواڻي لاءِ استنبول روانو ٿي سگهي ٿو. افغان وفد جي نوعيت ڏسي پاڪستاني وفد جي قيادت جو حتمي فيصلو ڪيو ويندو.
ذريعن جو چوڻ آهي ته قومي سلامتي بابت صلاحڪار به پاڪستاني وفد جو حصو هوندو. پاڪستاني وفد ڳالهين دوران افغان سرزمين مان پاڪستان تي ٿيندڙ دهشتگردي بند ڪرائڻ جو مطالبو ٻيهر پيش ڪندو.
