لاهور (ويب ڊيسڪ) جوا ايپ جي تشهير جي الزام هيٺ گرفتار يوٽيوب شخصيت سعد الرحمان عرف ڊڪي ڀاءُ جي ضمانت جي درخواست تي اڄ لاهور هاءِ ڪورٽ ۾ ٻڌڻي مقرر هئي، جيڪا جسٽس شهرام سرور جي موڪل سبب ڪاز لسٽ مان خارج ڪئي وئي.
ان کان اڳ جسٽس فاروق حيدر به ڪيس ٻڌڻ کان معذرت ڪئي هئي. ڊڪي ڀاءُ جي درخواست ۾ اين سي سي آءِ اي سميت ٻين ڌرين کي فرياد بڻايو ويو آهي.
درخواست ۾ موقف اختيار ڪيو ويو آهي ته سعد الرحمان کي بهرين ملڪ وڃڻ دوران ايئرپورٽ تان گرفتار ڪيو ويو، جڏهن ته کيس اڳواٽ ڪو نوٽيس نه ڏنو ويو. هو 22 ڏينهن تائين جسماني ريمانڊ تي اين سي سي آءِ اي جي تحويل ۾ رهيو.
ڊڪي ڀاءُ تي الزام آهي ته هن جوا جي ايپ جي پروموشن ڪئي، جنهن تي قانوني ڪارروائي عمل ۾ آندي وئي. هاڻ ضمانت جي درخواست تي ٻڌڻي لاءِ نئين تاريخ مقرر ٿيڻ جو امڪان آهي.
