بغداد: صدر آصف علي زرداري امامن جي روضن تي حاضري لاءِ بغداد پهتو، جتي هن حضرت شيخ عبدالقادر جيلانيؒ جي مزار تي فاتحه خواني ڪئي. ان کان پوءِ صدر زرداري ڪاظميه مقدسہ ۾ امام موسى الڪاظمؑ ۽ امام محمد التقي الجوادؑ جي روضن تي حاضري ڏني ۽ امت مسلمه جي امن، اتحاد ۽ سلامتي لاءِ دعا گهري.
صدر روضه ڪاظميه ۾ زائرين جي ڪتاب ۾ پنهنجا تاثرات قلمبند ڪيا ۽ ائمه اهل بيتؑ جي تعليمات کي علم، صبر، حڪمت ۽ اخلاقي قوت جو دائمي سرچشمو قرار ڏنو.
ان کان کانسواءِ صدر آصف زرداري امام اعظم ابو حنيفهؒ جي مزار تي به حاضري ڏني. دوري دوران هن مزارن جي منتظمين ۽ مبلغين سان ملاقاتون پڻ ڪيون، جتي مذهبي ۽ روحاني اهميت تي ڳالهه ٻولهه ڪئي وئي.
