تهران/دوحه: ايران صدر ٽرمپ جي ڌمڪي تي سخت ردعمل ظاهر ڪندي خبردار ڪيو آهي ته جيڪڏهن ايران تي حملو ڪيو ويو ته وچ اوڀر ۾ موجود آمريڪي فوجي اڏا ۽ تنصيبن کي نشانو بڻايو ويندو۔
اهم تفصيل
صدر ٽرمپ تازو ئي مظاهرين کي چيو هو ته “مدد رستي ۾ آهي، ادارن تي قبضو ڪريو”، جنهن کان پوءِ ايران جو سخت جواب سامهون آيو۔
ايراني حڪام نه صرف آمريڪا کي خبردار ڪيو پر سعودي عرب، متحده عرب امارات، ترڪي ۽ ٻين ملڪن کي به آگاهه ڪيو ته آمريڪي فوجي اڏا استعمال ٿيا ته انهن کي به دشمن سمجهيو ويندو۔
ايران انهن ملڪن کي چيو آهي ته مقامي انٽيليجنس ۽ سيڪيورٽي ادارا چاق و چوبند رکن ته جيئن آمريڪا انهن اڊن کي استعمال نه ڪري۔
سفارتي ذريعن موجب، آمريڪا قطر ۾ موجود پنهنجي سڀ کان وڏي فوجي اڊي العديد ايئربيس مان ڪجهه آفيسرن کي واپس وڃڻ جي هدايت ڪئي آهي۔
قطر جي انٽرنيشنل ميڊيا آفيس وضاحت ڪئي ته اهلڪارن جي عارضي منتقلي موجوده علائقائي تڪرار جي ردعمل ۾ ڪئي وئي آهي، ۽ ملڪ جي اهم تنصيبن جي حفاظت لاءِ قدم کنيا پيا وڃن۔
العديد ايئربيس مشرقِ وسطىٰ ۾ آمريڪا جو سڀ کان وڏو فوجي مرڪز آهي، جتي لڳ ڀڳ 10 هزار آمريڪي فوجي مقرر آهن۔
