لاهور (ويب ڊيسڪ) پنجاب جي وزيراعليٰ مريم نواز جي پٽ جنيد صفدر جي مينڌي جي تقريب گذريل ڏينهن رنگارنگ انداز ۾ ٿي، جنهن جون تصويرون سوشل ميڊيا تي تيزي سان وائرل ٿي رهيون آهن.
گهوٽ ۽ ڪنوار جون تصويرون سامهون اچڻ کان پوءِ هاڻي مريم نواز جي هڪ تصوير به منظرِ عام تي اچي وئي آهي، جيڪا صارفين جي خاص توجهه جو مرڪز بڻجي وئي آهي.
تقريب دوران ورتل هن تصوير ۾ مريم نواز کي روايتي انداز ۾ ڏسي سگهجي ٿو. هن سنهري ۽ هيڊي رنگ جي امتزاج سان تيار ڪيل ڳرو لباس پاتل آهي، جيڪو مشرقي ثقافت ۽ شادي جي رسمن جو خوبصورت عڪس پيش ڪري ٿو. لباس تي باريڪي گوٽا، نفيس ڪڙائي ۽ نقش ۽ نگار نمايان آهن، جڏهن ته دوپٽو به خوبصورتي سان مٿي تي اوڙيل آهي، جنهن جي ڪنارن تي شوخ رنگن جي ڪڙھائي ڪئي وئي آهي.
مريم نواز جو لباس نه صرف مينڌي جي تقريب جي رنگن سان ڀريل آهي، پر سادگي ۽ وقار سان گڏ شاهاڻي انداز کي به اجاگر ڪري ٿو. زيورن جي چونڊ ۾ به روايتي انداز اختيار ڪيو ويو آهي.
