اسلام آباد (ويب ڊيسڪ) انسپيڪٽر جنرل آف پوليس اسلام آباد جي آفيس طرفان جاري ڪيل مراسلي ۾ چيو ويو آهي ته پاڪ فوج جا ٻه ميجرز ۽ 16 ايس ايس جي اهلڪار ڊيپيوٽيشن جي بنياد تي اسلام آباد پوليس جي حوالي ڪيا ويندا.
مراسل موجب آءِ سي ٽي پوليس هن وقت امن و امان جي بحالي، ڏوهن کي روڪڻ، ڏوهن خلاف ڪارروائي، سيڪيورٽي ۽ روٽس ڊيوٽي سميت مختلف ذميواريون نڀائي رهي آهي، جنهن لاءِ اضافي افرادي قوت جي ضرورت ٿي وئي آهي.
مراسلي ۾ وڌيڪ چيو ويو آهي ته 16 اهلڪارن مان 10 کي نيشنل پوليس اڪيڊمي (اين پي اي) اسلام آباد مين لينڊ ۾ مقرر ڪيو ويندو، جڏهن ته باقي اهلڪار موجوده خالي آسامين تي ڊيپيوٽيشن تي ڪم سنڀاليندا.
