راولپنڊي (ويب ڊيسڪ) خيبر پختونخوا جي مختلف علائقن ۾ سيڪيورٽي فورسن جي ٻن الڳ الڳ ڪارروائين دوران ڀارتي حمايتي فتنہ الخوارج سان لاڳاپيل 11 خوارج مارجي ويا.
آءِ ايس پي آر موجب، 8 جنوري 2026 تي ضلعي اُتر وزيرستان ۾ انٽيليجنس بنياد تي آپريشن ڪيو ويو، جنهن ۾ فورسن خوارجن جي ٺڪاڻن کي مؤثر نموني نشانو بڻايو. سخت فائرنگ جي ڏي وٺ ۾ 6 خوارج مارجي ويا.
ٻئي ڪارروائي ضلع ڪُرم ۾ پوليس ۽ سيڪيورٽي فورسن جي گڏيل آپريشن ذريعي ڪئي وئي، جنهن ۾ فائرنگ جي مقابلي دوران 5 خوارج مارجي ويا.
ترجمان موجب، مارجي ويل ٿيل ڀارتي حمايتي خوارجن وٽان هٿيار ۽ بارود به هٿ آيو، جيڪي سيڪيورٽي فورسز، قانون لاڳو ڪندڙ ادارن ۽ بيگناهه شهرين جي ٽارگيٽ ڪلنگ سميت ڪيترين ئي دهشتگرداڻي سرگرمين ۾ ملوث هئا.
آءِ ايس پي آر جو چوڻ آهي ته علائقي ۾ باقي بچيل ڀارتي اسپانسرڊ خوارجن جي خاتمي لاءِ ڪليئرنس آپريشن جاري آهي. بيان ۾ وڌيڪ چيو ويو آهي ته قومي ايڪشن پلان تحت وفاقي ايپڪس ڪميٽي جي منظور ڪيل حڪمت عملي “عزمِ استحڪام” جي وزن مطابق سيڪيورٽي فورسز ۽ قانون لاڳو ڪندڙ ادارا غير ملڪي حمايتي دهشتگردي جي مڪمل خاتمي تائين پنهنجي دهشتگردي خاتمي واري مهم پوري طاقت سان جاري رکندا.
