راولپنڊي: راولپنڊي ۾ دهشتگردي ٽوڙ عدالت 9 مئي جي جي ايچ ڪيو حملو ڪيس ۾ وڏو فيصلو ٻڌايو آهي، جنهن تحت 47 اشتهاري جوابدارن کي 10، 10 سال قيد ۽ 5، 5 لک رپيا جرماڻي جي سزا ٻڌائي آهي.
عدالت جي حڪم موجب سڀني جوابدارن جي جائيداد ضبط ڪئي ويندي. دهشتگردي ٽوڙ عدالت جي جج امجد علي شاهه ٻڌايو.
سزا حاصل ڪندڙن ۾ عمر ايوب خان، زرتاج گل، مراد سعيد، شبلي فراز، احمد اظهر، شهباز گل، ذلفي بخاري، محمد احمد چٺه، راءِ حسن نواز، راءِ محمد مرتضيٰ، شوڪت علي ڀٽي، عثمان سعيد بسرہ، اعجاز خان جازي، ڪنول شوزب، حماد اظهر ۽ شيخ راشد شفيق سميت ڪيترائي اڳواڻ شامل آهن.
عدالتي فيصلي ۾ چيو ويو آهي ته جوابدار 9 مئي جي واقعن جي سازش ۾ ملوث هئا، جتي جي ايچ ڪيو گيٽ، حمزه ڪيمپ، آرمي ميوزيم ۽ سڪسٿ روڊ ميٽرو اسٽيشن تي حملا ڪيا ويا. انهن تي وڳوڙ، ڀڃ ڊاهه، پوليس تي حملا ۽ سرڪاري ملڪيتن کي نقصان پهچائڻ جا الزام به ثابت ٿيا.
ياد رهي ته هن ڪيس ۾ مجموعي طور 118 جوابدارن تي فردِ جرم لڳايو ويو هو، جن مان 47 کي اشتهاري قرار ڏئي الڳ ٽرائل ڪيو ويو.
