راولپنڊي/اسلام آباد: بلوچستان جي علائقن هرنائي ۽ بسيمه ۾ انٽيليجنس بنيادن تي ڪيل آپريشن دوران سيڪيورٽي فورسز 15 دهشتگردن کي ماري ڇڏيو، جيڪي مبينا طور ڀارتي سهڪار سان سرگرم هئا.
وزيراعظم محمد شهباز شريف چيو آهي ته عزمِ استحڪام جي ويزن تحت سيڪيورٽي فورسز دهشتگردي خلاف اهم ڪاميابيون حاصل ڪري رهيون آهن ۽ سڄي قوم پاڪ فوج سان گڏ بيٺل آهي. هن زور ڏنو ته ملڪ مان دهشتگردي جو مڪمل خاتمو اسان جو عزم آهي.
صدر آصف علي زرداري به آپريشن ۾ دهشتگردن کي مارڻ کي فورسز جي پيشيوراڻي صلاحيت ۽ عزم جو مظاهرو قرار ڏنو. صدر چيو ته ملڪ مان پرڏيهي سهڪار سان ٿيندڙ دهشتگردي جو خاتمو اولين ترجيح آهي ۽ وطن جي حفاظت لاءِ سڄي قوم سيڪيورٽي فورسز سان شانه بشانه بيٺل آهي.
