ڪراچي (ويب ڊيسڪ) امريڪي ميگزين “فارن افيئرز” پاڪستان جي مقابلي ۾ ڀارت تي ڀاڙڻ کي امريڪي پاليسي کي ناڪام قرار ڏئي ڇڏيو.
فارن افيئرز جي رپورٽ موجب ڀارت ڪڏھن امريڪا جو ڀروسي جوڳو ڀائيوار نھ رھيو، ڀارت امريڪا جي اميدن تي پورو ناھي لٿو جڏھن تھ پاڪستان وڌيڪ ڀروسي جوڳو ڀائيوار آھي. ھاڻي امريڪا کي پاڪستان تي اعتماد ڪري ڏسڻو پوندو
ميگزين ۾ وڌيڪ چيو ويو آھي تھ صدر ٽرمپ دھشتگردي خلاف قدمن سميت ڀارت سان ڇڪتاڻ گھٽائڻ جي پاڪستاني ڪوششن کي ساراھيو، انھيءَ کانسواءِ امريڪا ۽ پاڪستان جي واپاري ۽ توانائي معاھدي ٻنھي ملڪن لاءِ فائديمند آھن.
فارن افيئرز موجب ريڪو ڊيڪ سميت پاڪستاني وسيلن تي امريڪي سرمائيڪاري خطي کي مستحڪم بڻائي سگھي ٿي جڏھن تھ ڀارت تي ھڪ طرفي توجھ خطي ۾ ويڇا ۽ جنگ جو خطرو وڌائيندي.
ميگزين ٻڌايو تھ پاڪستان جي قومي سلامتي پاليسي ۾ امريڪا ۽ چين سان برابري لاڳاپا آھن، پاڪستان ماضي ۾ امريڪا ۽ چين کي ويجھو آڻڻ ۾ پل بڻجي چڪو آھي.
فارتن افيئرز ميگزين موجب ڀارت تي توجھ امريڪي پاليسي پاڪستان سان ڏوري ۽ خطي ۾ واشنگٽن کي ڪمزور ڪندي.
