ڪراچي (ويب ڊيسڪ) پاڪستان ڪرڪيٽ بورڊ (پي سي بي) جي مطالبي تي جيڪڏهن ميچ ريفري تبديل نه ڪيو ويو ته پاڪستان ايشيا ڪپ جا وڌيڪ ميچ نه کيڏڻ جو فيصلو ڪيو آهي.
ذريعن جو چوڻ آهي ته جيڪڏهن پي سي بي جي مطالبي تي آءِ سي سي ميچ ريفري تبديل نه ڪيو ته پاڪستاني ٽيم ايشيا ڪپ جا وڌيڪ ميچ نه کيڏندي.
پاڪستان ڪرڪيٽ بورڊ آءِ سي سي ۽ ايم سي سي کي خط لکي مطالبو ڪيو آهي ته ميچ ريفري پائيڪرافٽ ۽ ايونٽ ڊائريڪٽر اينڊريو پارسل کي ڪرڪيٽ جي روح تي عمل نه ڪرڻ تي هٽايو وڃي.
ڀارتي رانديگرن ڄاڻي واڻي پاڪستاني رانديگرن سان هٿ نه ملائي راند جي ساک کي نقصان پهچايو، ميچ ريفري ڄاڻي واڻي ڪپتانن کي هٿ ملائڻ کان روڪيو.
