رياض (ويب ڊيسڪ) وزيراعظم شهباز شريف ولي عهد محمد بن سلمان جي دعوت تي سعودي عرب جي سرڪاري دوري تي اسلام آباد کان رياض پهتو، جڏهن ته وزيراعظم جي جهاز جو سعودي ايف 15 جنگي جهازن طرفان سعودي هوائي حدن ۾ داخل ٿيڻ تي شاندار استقبال ڪيو ويو.
Prime Minister’s Visit to Saudi Arabia, Historic Protocol in Saudi Airspace 🇵🇰🫱🏼🫲🏽🇸🇦
As a mark of special protocol, five F-15 Strike Eagle fighter jets of the Royal Saudi Air Force’s 92nd Squadron escorted the Prime Minister’s aircraft to King Khalid Airport upon entering Saudi… pic.twitter.com/oWmbrfsQyy— Attaullah Tarar (@TararAttaullah) September 17, 2025
وزيراعظم آفيس پاران جاري ڪيل بيان موجب، رياض جي ڪنگ خالد ايئرپورٽ تي پهچڻ تي، رياض جي ڊپٽي گورنر محمد بن عبدالرحمان بن عبدالعزيز، پاڪستان ۾ سعودي سفير نواف بن سعيد المالڪي، سعودي عرب ۾ پاڪستاني سفير احمد فاروق ۽ اعليٰ سفارتي عملدارن وزيراعظم ۽ پاڪستاني وفد جو گرمجوشي سان استقبال ڪيو. وزيراعظم جي رياض پهچڻ تي سڄي شهر ۾ سائي هلال جا جهنڊا لھرايا ويا ان موقعي تي، وزيراعظم کي 21 توپن جي سلامي ۽ سعودي عرب جي فوج جي پريڊ ڏني وئي بعد ۾ وزيراعظم سعودي ولي عهد محمد بن سلمان سان ملڻ لاءِ شاهي محل ويندو. وزيراعظم ۽ پاڪستاني وفد جو شاھي پيلس ۾ باضابطه طور تي استقبال ڪيو ويندو.ڍ
ٻطرفي ملاقات ۾ پاڪستان-سعودي عرب لاڳاپن جي سڀني پهلوئن جو تفصيل سان جائزو ورتو ويندو. ٻئي اڳواڻ باهمي دلچسپي جي علائقائي ۽ عالمي ترقي تي پڻ بحث ڪندا. دوري دوران پاڪستان ۽ سعودي عرب جي وچ ۾ مختلف شعبن ۾ تعاون کي لاڳو ڪرڻ ۾ باضابطه اڳڀرائي جي اميد آهي، جيڪا ٻنهي ملڪن جي وچ ۾ ڊگهي عرصي کان هلندڙ ڀائراڻن لاڳاپن کي وڌيڪ فروغ ڏيڻ جي گڏيل عزم کي ظاهر ڪري ٿي. ان کان اڳ، جڏهن وزيراعظم شهباز شريف جو جهاز سعودي هوائي حدن ۾ داخل ٿيو ته سعودي ايف-15 جنگي جهازن شاندار استقبال ڪيو. وزيراعظم سعودي جنگي جهاز کي سلامي ڏني ۽ ڪاڪ پٽ ۾ وڃي مائڪرو فون ذريعي سعودي ولي عهد محمد بن سلمان جو شڪريو ادا ڪيو.
دفاع واري وزير خواجه آصف چيو ته سعودي هوائي فوج جي جهاز وزيراعظم شهباز شريف جي جهاز جي سيڪيورٽي سنڀالي ورتي جيئن ئي اهو سعودي هوائي حدن ۾ داخل ٿيو. خواجه آصف چيو ته سعودي عرب جي حڪومت جي ڀائيچاري ۽ احترام جي نمائش، اسلامي دنيا ۾ هي مقام الله جي فضل سان شهباز شريف جي سفارتي صلاحيتن ۽ اسان جي هٿياربند فوج جي بي مثال ڪاميابين جو نتيجو آهي.
