ٽوڪيو (ويب ڊيسڪ) ورلڊ اٿليٽڪس چيمپيئن شپ ۾ جيولن ٿرو جي مقابلي ۾ ارشد نديم ميڊل جي ڊوڙ مان ٻاهر ٿي ويو. ورلڊ اٿليٽڪس چيمپيئن شپ جي فائنل مرحلي ۾ ارشد نديم پنهنجي پهرين ٿرو 82.73 ميٽر ڪئي.
پهرين ڪوشش ۾ ارشد ستين نمبر تي رهيو ۽ ٻي ڪوشش ۾ سندس ٿرو فائول ٿي وئي. ارشد نديم ٽِين ڪوششا ۾ 82.75 ميٽر ٿرو ڪئي، جڏهن ته سندس چوٿين ٿرو به فائول ٿي وئي، جنهن سبب هو ميڊل جي ڊوڙ مان ٻاهر ٿي ويو.
ٻئي پاسي ڀارت جي نيرج چوپڙا پهرين ٿرو 83.65 ميٽر ڪئي، جڏهن ته سندس ئي هم وطن سچن يادَو پهرين ڪوشش ۾ 86.29 ميٽر جي ٿرو ڪرڻ ۾ ڪامياب رهيو. اڄوڪي فائنل مقابلي ۾ اسٽارٽ لسٽ موجب ارشد نديم ٽئين نمبر تي پنهنجي ٿرو ڪئي، جڏهن ته پهرين ٿرو جيولن ويبر ۽ ٻي ٿرو اينڊرسن پيٽرز ڪئي.
ياد رهي ته گروپ بي جي ڪواليفائنگ رائونڊ ۾ ارشد نديم 85.28 ميٽر جي ٿرو سان سڌي ريت فائنل ۾ جڳهه ٺاهي هئي.
