لنڊن (ويب ڊيسڪ) وزيراعظم شهباز شريف جنرل اسيمبلي ۾ فلسطين ۽ ڪشمير جي خود اراديت جي حق تي پاڪستان جو موقف پيش ڪندو.
فلسطين جي ٻھ رياستي حل تي گڏيل قومن جو اجلاس اڄ ٿيندو، جنهن ۾ پاڪستان جو وزيراعظم محمد شهباز شريف پڻ شرڪت ڪندو.
فلسطين جي ٻھ رياستي حل تي هڪ اهم اجلاس اڄ سعودي عرب ۽ فرانس جي قيادت ۾ گڏيل قومن ۾ منعقد ٿي رهيو آهي، جنهن ۾ پاڪستان جو وزيراعظم شهباز شريف پڻ شرڪت ڪندو.
پرڏيهي آفيس جي ترجمان موجب، وزيراعظم 26 سيپٽمبر تائين جنرل اسيمبلي جي اجلاس ۾ شرڪت ڪندو جتي هو فلسطين ۽ ڪشمير جي خود اراديت جي حق تي پاڪستان جو موقف پيش ڪندو.
وزيراعظم شهباز شريف جنرل اسيمبلي کي پنهنجي خطاب دوران غزه جي بحران ۽ فلسطيني عوام کي درپيش مشڪلاتن کي اجاگر ڪندو. ان کان علاوه، سندس ايجنڊا ۾ دهشتگردي، موسمياتي تبديلي ۽ اسلاموفوبيا سميت عالمي مسئلن تي پاڪستان جو موقف پيش ڪرڻ پڻ شامل آهي.
پرڏيهي آفيس جي ترجمان موجب، وزيراعظم اعليٰ سطحي تقريبون ۽ خاص اجلاسن ۾ پڻ شرڪت ڪندو. ان کان علاوه، هو آمريڪي صدر سان اسلامي ملڪن جي اڳواڻن سان ملاقات ڪندو.
شهباز شريف گڏيل قومن جي عملدارن ۽ عالمي اڳواڻن سان اهم ٻطرفي ملاقاتون پڻ ڪندو جنهن ۾ مختلف خطن ۽ باهمي تعاون جي معاملن تي ڳالهه ٻولهه ڪئي ويندي.
