راولپنڊي: (مانيٽرنگ ڊيسڪ) راولپنڊي جي دهشتگردي جي خاتمي واري عدالت 26 نومبر جي احتجاج ڪيس ۾ پي ٽي آءِ جي باني جي ڀيڻ عليمه خان کي 29 سيپٽمبر تي ملزم طور طلب ڪيو آهي.
26 نومبر جي احتجاج ۾ عليمه خان خلاف داخل ڪيل ڪيس جي ٻڌڻي اي ٽي سي جج امجد علي شاهه ڪئي، استغاثه عليمه خان خلاف ڪيس جو چالان عدالت ۾ پيش ڪيو.
پراسيڪيوٽر عدالت کي ٻڌايو ته عليمه خان 26 نومبر جي احتجاج ۾ مکيه ملزمه آهي، هن قلم 144 لاڳو ٿيڻ جي باوجود ڪارڪنن کي احتجاج ڪرڻ لاءِ ڀڙڪايو.
واضح رهي ته عليمه خان خلاف صادق آباد پوليس اسٽيشن، راولپنڊي ۾ ڪيس داخل ڪيو ويو آهي.
