نــوشھـــروفيـــروز: رپورٽ مقصود علي مشوري
سنڌ ايمپلائيز الائنس جي سڏ تي ضلعي نوشهروفيروز ۽ ڀرپاسي شهرن ۾ ٻئي ڏينهن به سرڪاري کاتن جا در بند، آفيسن کي تالا هڻي ملازم روڊن تي نڪري آيا
احتجاج سبب اسڪولن ۾ تدريسي عمل مڪمل طور تي معطل ٿي ويو، جڏهن ته اسپتالن ۾ علاج ۽ معالجے جون سهولتون به سخت متاثر ٿيون، جنهن ڪري مريض ۽ سندن وارث پريشان حال رهيا.
احتجاجي ملازمن قلم ڇڏ هڙتال جاري رکندي آفيسن کي تالا هڻي بند ڪيو، جڏهن ته اڳواڻن ميڊيا سان ڳالهائيندي واضع ڪيو ته جيڪڏهن فوري طور تي پگهارن ۾ واڌ، ڊي آر اي ۽ گروپ انشورنس جي ادائيگي نه ڪئي وئي ته احتجاج جو سلسلو وڌيڪ سخت ڪيو ويندو۔ڊاڪٽر عبدالفتاح راجپر،عبدالستار پٺاڻ ۔معشوق وڳڻ ۔ اشرف قريشي، نظام الدين ڪلھوڙو، فقير عيدل ڪلهوڙو، بابر بلوچ، سردار مطھر وسطڙو، وحيد علي لنڊ ۔سعود ٻوھيو ھدايت الله سولنگي ۔يوسف منگي وقار لاڙڪ ۽ ٻين احتجاجي ريلي جي اڳواڻي ڪئي۔واضح رهي ته سنڌ ايمپلائيز الائنس 23 سيپٽمبر کان 27 سيپٽمبر تائين تالا بندي جو اعلان ڪري چڪو آهي، جڏهن ته ايندڙ وڏو ڌماڪيدار احتجاج 6 آڪٽوبر تي سي ايم سنڌ هائوس اڳيان ڪيو ويندو، جتي هزارين ملازمن جي شرڪت متوقع آهي۔
