ڪراچي (ويب ڊيسڪ) پاڪستان هڪ ٻيو انقلابي قدم کنيو آهي ۽ خلا ۾ هڪ جديد هائپر اسپيڪٽرل سيٽلائيٽ موڪلڻ جون تياريون مڪمل ڪيون آهن.
قومي خلائي ايجنسي، سپارڪو جي اڳواڻي ۾ تيار ڪيل هي سيٽلائيٽ آڪٽوبر 2025 ۾ خلا ۾ لانچ ڪيو ويندو، جيڪو ملڪ جي سائنس ۽ ٽيڪنالاجي سميت مختلف شعبن ۾ ترقي جي رفتار کي وڌيڪ تيز ڪندو.
هن جديد هائپر اسپيڪٽرل سيٽلائيٽ جو مقصد معدني وسيلن جي ڳولا، زرعي ترقي، ٻوڏ جي نگراني، گليشيئر جي پگھلڻ ۽ هوائي آلودگي جي مطالعي کي آسان بڻائڻ آهي.
اسپارڪو جي چيئرمين محمد يوسف خان هڪ ورڪشاپ جي افتتاحي تقريب ۾ چيو ته “هي سيٽلائيٽ معدنيات، ٻوٽن، مٽي ۽ پاڻي جي معيار تي صحيح ۽ جديد ڊيٽا فراهم ڪندو، جنهن جي مدد سان ڪيترن ئي سالن جي سروي هاڻي ڪجهه ڏينهن ۾ مڪمل ڪري سگهجي ٿي.”
اسپارڪو جي چيئرمين وڌيڪ چيو ته پاڪستان جو هي قدم قدرتي وسيلن جي اثرائتي ۽ پائيدار استعمال لاءِ رستو هموار ڪندو. هي ٽيڪنالاجي پاليسي سازن ۽ محققن کي بروقت ۽ ثبوتن تي ٻڌل فيصلا ڪرڻ ۾ مدد ڪندي، جيڪو ملڪ جي اقتصادي ۽ ماحولياتي ترقي لاءِ هڪ اهم سنگ ميل ثابت ٿيندو.
سپارڪو جهڙا قومي ادارا قومي مفاد ۽ عالمي معيار حاصل ڪرڻ لاءِ ڪوششون ڪري رهيا آهن. پاڪستان خطي ۾ خلائي ٽيڪنالاجي جو هڪ مضبوط مرڪز بڻجڻ طرف وڌي رهيو آهي.
