لاهور (اسپورٽس ڊيسڪ)لاهور ٽيسٽ جي ٽئين ڏينهن پاڪستاني اسپنر نعمان علي ۽ ساجد خان شاندار بالنگ جو مظاهرو ڪندي ڏکڻ آفريڪا کي 269 رنسن تي آل آئوٽ ڪري ڇڏيو، جنهن سان پاڪستان کي پهرين اننگز ۾ 109 رنسن جي واضح برتري حاصل ٿي وئي.
ڏکڻ آفريڪا پنهنجي اننگز جو آغاز ٽئين ڏينهن 216 رنسن تي 6 وڪيٽن جي نقصان سان ڪيو، جتي ٽوني ڊي زورزي 104 رنسن جي شاندار اننگز کي جاري رکيو، پر ٽيم گذريل ڏينهن جي اسڪور ۾ وڏو اضافو ڪرڻ ۾ ناڪام رهي.
رائن ريڪلٽن 71 رنسن سان ٻيو نمايان بيٽسمين رهيو، جڏهن ته باقي بيٽسمين پاڪستاني بالرن آڏو بي وس نظر آيا.
پاڪستان طرفان نعمان علي 6 وڪيٽون، ساجد خان 3 ۽ سلمان علي آغا 1 وڪيٽ حاصل ڪئي. ان کان اڳ پاڪستان پهرين اننگز ۾ 378 رنسن ٺاهيا هئا، جتي امام الحق ۽ سلمان آغا 93، 93 رنسن سان نمايان رهيا، جڏهن ته ڪپتان شان مسعود 76 ۽ محمد رضوان 75 رنسن جي اننگز کيڏي.
پاڪستان کي هاڻ ميچ ۾ مضبوط پوزيشن حاصل آهي، ۽ ٻي اننگز ۾ برتري کي وڌائڻ جي ڪوشش جاري آهي.
