ڪراچي (ويب ڊيسڪ) پاڪستان اسٽاڪ ايڪسچينج ۾ اڄ مسلسل ٻئي ڏينهن به شاندار تيزي جو رجحان ڏسڻ ۾ آيو، جتي انڊيڪس ۾ 2 هزار کان وڌيڪ پوائنٽن جو اضافو رڪارڊ ڪيو ويو.
بدھ ڏينهن 1325 پوائنٽن جي اضافي سان ڪاروبار جي شروعات ٿي، جنهن سان KSE-100 انڊيڪس وڌي 166,801 پوائنٽن جي سطح تي پهچي ويو.
ان کانپوءِ PSX ۾ واپار دوران 1535، 1541 ۽ 2057 پوائنٽن جو اضافو جاري رهيو، جنهن جي نتيجي ۾ انڊيڪس 167,533 پوائنٽن تائين پهچي ويو.
ياد رهي ته گذريل ڏينهن به اسٽاڪ مارڪيٽ ۾ تيزي جو رجحان غالب رهيو، جتي انڊيڪس مجموعي طور تي 7 هزار کان وڌيڪ پوائنٽن جي واڌ سان 165,000 پوائنٽن جي سطح کان مٿي نڪري ويو هو.
مالياتي ماهرن موجب، مارڪيٽ ۾ تيزي جو سبب سياسي استحڪام، عالمي رجحان ۽ سيڙپڪارن جو اعتماد آهي، جيڪو مستقبل ۾ به مثبت اثر ڇڏڻ جي اميد آهي.
