اسلام آباد (ويب ڊيسڪ) وزيراعظم شهباز شريف پاران وفاقي ڪابينا جو اهم اجلاس سڀاڻي اسلام آباد ۾ طلب ڪيو ويو آهي، جنهن ۾ ملڪ جي سياسي ۽ معاشي صورتحال سميت عالمي ۽ علائقائي معاملن تي غور ڪيو ويندو.
ذريعن موجب، اجلاس دوران افغان طالبان، فتنہ الهند ۽ فتنہ الخوارج جي اشتعال انگيز سرگرمين تي تفصيلي بحث ٿيندو، جڏهن ته وزيراعظم مصر جي دوري بابت ڪابينا ميمبرن کي آگاهه ڪندو. غزه امن سربراهي اجلاس ۾ پاڪستان جي نمايان شرڪت تي به روشني وڌي ويندي.
اجلاس ۾ قانون سازي بابت ڪابينا ڪميٽي جا فيصلا به توثيق لاءِ پيش ڪيا ويندا، جن سان اهم قانوني قدمن جي منظوري جو امڪان آهي.
