اسلام آباد(ويب ڊيسڪ) وفاقي حڪومت 27هين آئيني ترميم لاءِ قانوني مسودو تيار ڪري ورتو آهي، جنهن تحت سپريم ڪورٽ ۾ آئيني بينچ جي جاءِ تي 9 رڪني آئيني عدالت قائم ڪرڻ، ججن جي عمر جي حد 70 سال ڪرڻ، ۽ فيلڊ مارشل جي عهدي کي آئيني تحفظ ڏيڻ جون تجويزون شامل آهن۔
ذريعن موجب، وزيراعظم اتحادي ڌرين سان مشاورت بعد وفاقي ڪابينا جي اجلاس ۾ مسودو پيش ڪندو، جنهن جي منظوري کان پوءِ بل سينيٽ ۾ پيش ڪيو ويندو۔
ترميمي مسودي موجب:- سپريم ڪورٽ ۽ آئيني عدالت جي ججن جي عمر جي حد 68 کان وڌائي 70 سال ڪرڻ جي تجويز آهي۔
– آئيني بينچ جي جاءِ تي مستقل 9 رڪني آئيني عدالت قائم ڪئي ويندي۔
– چيف اليڪشن ڪمشنر جي مقرري ۾ ڊيڊ لاڪ جي صورت ۾ معاملو سپريم جوڊيشل ڪميشن حوالي ڪيو ويندو۔
– ججن جي مقرري ۾ صدر ۽ وزيراعظم جو ڪردار گهٽائي، جوڊيشل ڪميشن جو اثر وڌايو ويندو۔
– آرٽيڪل 243 ۾ ترميم ذريعي فیلڊ مارشل جي عهدي کي آئيني تحفظ ۽ تاحيات ٽائيٽل ڏيڻ جي تجويز آهي۔
– اين ايف سي ايوارڊ ۾ وفاق کي صوبن جي حصي مان 10 سيڪڙو وڌيڪ ڏيڻ جي تجويز پيش ڪئي وئي آهي۔
– تعليم ۽ صحت جا شعبا وفاق جي حوالي ڪرڻ تي اتفاق راءِ پيدا ڪرڻ جي ڪوشش ڪئي پئي وڃي۔
ذريعن موجب، پيپلز پارٽي بلدياتي ادارن کي وڌيڪ آئيني اختيار ڏيڻ تي راضي ناهي، جنهن تي وڌيڪ مشاورت جاري آهي۔
