اسلام آباد (ويب ڊيسڪ) وزيراعظم شهباز شريف آذربائيجان جي صدر الهام علييو جي دعوت تي آذربائيجان جي يومِ فتح جي تقريب ۾ شرڪت لاءِ باڪو پهچي ويو.
باڪو جي حيدر علييو بين الاقوامي هوائي اڏي تي آذربائيجان جي اول نائب وزيراعظم يعقوب ايوبوو، اول نائب پرڏيھي وزير فريز رضايوو، پاڪستان جي سفير قاسم محي الدين ۽ سفارتي عملي پاران وزيراعظم جو شاندار استقبال ڪيو ويو.
سرڪاري پڌرائي موجب، سُڌ سماءَ واري وفاقي وزير عطاالله تارڙ به وزيراعظم سان گڏ آهن. دوري دوران وزيراعظم جي آذربائيجان جي صدر الهام علييو سان ٻه طرفي ملاقات پڻ طئي ٿيل آهي، جتي ٻنهي ملڪن جي لاڳاپن ۽ تعاون تي ڳالهه ٻولهه جو امڪان آهي.
