وينس وليمز اطالوي اداڪار آندريا پريٽي سان ڇهه ڏينهن جاري رهندڙ تقريبن دوران شادي ڪئي
آمريڪي ٽينس رانديگر وينس وليمز 37 ورهين جي اطالوي اداڪار آندريا پريٽي سان شادي ڪري ورتي آهي. شادي جون تقريبون آمريڪي رياست فلوريڊا جي شهر پام بيچ ۾ ڇهه ڏينهن تائين جاري رهيون، جن ۾ ويجها عزيز، مائٽ ۽ دوستن شرڪت ڪئي.
تفصيلن موجب وينس وليمز ۽ آندريا پريٽي جي ملاقات گذريل سال ميلان فيشن ويڪ دوران ٿي هئي. وينس، مشهور ٽينس اسٽار سرينا وليمز جي وڏي ڀيڻ آهي.
فينبروري مهيني ۾ وينس وليمز کي اٽلي ۾ ٽريننگ دوران شادي جي آڱر ۾ وڏي انگوزي پاتل ڏٺو ويو، جنهن کان پوءِ ميڊيا ۾ شادي ۽ منگني بابت قياس آرائي شروع ٿي وئي هئي.
واضح رهي ته سرينا وليمز 2017 کان ريڊٽ جي باني ايليڪسس اوهانين سان شادي شده آهي، جڏهن ته وينس وليمز پنهنجي راندين واري ڪيريئر دوران گهڻي عرصي تائين غير شادي شده رهي.
