نيويارڪ (ويب ڊيسڪ) گڏيل قومن ۾ ايران جي مستقل مندوب امير سعيد ايرواني آمريڪا تي الزام هنيو آهي ته هو اسرائيل سان گڏجي ايران ۾ اشتعال ۽ تشدد کي وڌائي رهيو آهي ۽ ملڪ ۾ عدم استحڪام پيدا ڪرڻ جي ڪوشش ڪري رهيو آهي.
ايراني سفير موجب، آمريڪا جا قدم گڏيل قومن جي چارٽر ۽ عالمي قانونن جي صريح ڀڃڪڙي آهن. هن سلسلي ۾ امير سعيد ايرواني سلامتي ڪائونسل کي هڪ باضابطه خط به موڪليو آهي، جنهن ۾ آمريڪا جي ڪارروائين کي رد ڪيو ويو آهي.
ايرواني چيو ته آمريڪا جا قدم غير قانوني ۽ غير ذميوارانه آهن، جيڪي نه صرف عالمي امن پر بين الاقوامي قانونن لاءِ به سنگين خطرو آهن.
ايراني سفير سلامتي ڪائونسل کان مطالبو ڪيو ته آمريڪا جي قدمن جو نوٽيس ورتو وڃي ۽ عالمي قانونن جي تحفظ کي يقيني بڻايو وڃي.
