تهران (ويب ڊيسڪ) ايراني حڪومت آمريڪي انٽرنيٽ ڪمپني اسٽارلنڪ خلاف ڪريڪ ڊائون ڊاؤن ڪندي ڪيترائي ڊيوائيسز قبض ۾ وٺي ڇڏيا آهن۔
اهم تفصيل
گذريل هفتي ايران ۾ پرتشدد مظاهرن تي ڪنٽرول ڪرڻ لاءِ گهڻو ڪري انٽرنيٽ سروس بند ڪئي وئي، فون ڪالز ۽ ايس ايم ايس به محدود ڪيا ويا۔
آمريڪي ميڊيا موجب، انٽرنيٽ تائين بنا رڪاوٽ رسائي صرف حڪومت، سرڪاري ميڊيا ۽ حامي ڌرين کي حاصل آهي۔
انٽرنيٽ جي بندش کان پوءِ ايلون مسڪ اعلان ڪيو هو ته ايران ۾ مفت اسٽارلنڪ انٽرنيٽ فراهم ڪيو ويندو، جنهن تي ايران حڪومت سخت ردعمل ڏيکاريو۔
رپورٽن مطابق، ايران وڏي تعداد ۾ اسٽارلنڪ ڊيوائيسز ضبط ڪري ورتيون آهن۔
واضح رهي ته ايران ۾ اسٽارلنڪ ٽرمينلز غيرقانوني آهن ۽ خفيه طور تي ملڪ ۾ آندا ويندا آهن، جيڪي پهريون ڀيرو 2022 جي احتجاجن دوران وڏي پيماني تي سامهون آيا هئا۔
