واشنگٽن: (ويب ڊيسڪ) آمريڪي صدر ڊونلڊ ٽرمپ چيو ته بگرام ايئر بيس تي آمريڪي فوج جي تعينات لاءِ افغانستان سان ڳالهيون جاري آهن.
وائيٽ هائوس ۾ ميڊيا سان ڳالهائيندي آمريڪي صدر ڊونلڊ ٽرمپ چيو ته بگرام ايئر بيس کي ڪنهن به صورت ۾ نه ڇڏڻ گهرجي ها، ايئر بيس ڇڏڻ هڪ شرمناڪ لمحو هو.
ڊونلڊ ٽرمپ چيو ته چيني صدر ۽ مون ٽڪ ٽاڪ ڊيل جي منظوري ڏني، ٽڪ ٽاڪ جي ويجهي نگراني ڪئي ويندي، سيڪيورٽي تي ڪو به سمجهوتو نه ڪيو ويندو، ڳالهيون مثبت رخ ۾ اڳتي وڌي رهيون آهن، معاهدي تي دستخط ڪرڻ هڪ رسمي ڳالهه هوندي.
هن وڌيڪ چيو ته هن چيني صدر سان غزه ۽ يوڪرين-روس جي مسئلن تي ڳالهه ٻولهه ڪئي، ۽ کيس يقين آهي ته چيني صدر روس-يوڪرين تڪرار جي خاتمي جي حمايت ڪندو. يوڪرين جنگ مان پئسا ڪمائي رهيو آهي، اسان جو دفاعي سامان خريد ڪيو پيو وڃي، ۽ روس ايسٽونيا جي هوائي حدن جي خلاف ورزي ڪئي، جيڪا هڪ وڏو مسئلو ٿي سگهي ٿي.
آمريڪي صدر چيو ته آٽزم جي حوالي سان وڏي پيش رفت جلد ايندي.
ايندڙ هفتي آٽزم تي هڪ نيوز ڪانفرنس ٿيندي، آمريڪي صدر گولڊ ڪارڊ لاءِ صدارتي آرڊر تي دستخط ڪيا.
