واشنگٽن (ويب ڊيسڪ) واشنگٽن ۾ قوم کي خطاب دوران آمريڪي صدر ڊونلڊ ٽرمپ ڪيتريون ئي وڏيون دعوائون ڪندي چيو آهي ته بائيڊن دور جون پاليسيون ڪنهن به صورت ٻيهر لاڳو نه ٿيڻ ڏنيون وينديون ۽ ملڪ ۾ غير قانوني اچ وڃ مڪمل طور بند ڪري ڇڏي وئي آهي۔
ٽرمپ جو چوڻ هو ته غير قانوني تارڪينِ وطن کي آمريڪا ۾ داخل ٿيڻ جي اجازت نه ڏني ويندي ۽ هن کي ڪرپشن جي خاتمي لاءِ عوامي مينڊيٽ حاصل آهي، جنهن تحت هڪ سال ۾ اهي ڪاميابيون حاصل ڪيون جيڪي ڪو ٻيو نه ڪري سگهيو.
صدر ٽرمپ دعويٰ ڪئي ته سندس دور ۾ آمريڪا بدترين حالتن مان نڪري بهترين مقام تي پهتو، شهرين جي پگهارن ۾ واڌ ٿي ۽ خوراڪ سميت ضروري شين جون قيمتون تيزي سان گهٽيون آهن۔ هن چيو ته مهانگائي ۾ گهڻي گهٽتائي آئي آهي ۽ آمريڪا وٽ دنيا جي طاقتور ترين فوج موجود آهي۔
ٽرمپ موجب زميني ۽ سامونڊي رستن ذريعي منشيات اسمگلنگ 94 سيڪڙو تائين گهٽائي وئي آهي، جڏهن ته ٽيرف پاليسي جي نتيجي ۾ آمريڪي معيشت مضبوط ٿي ۽ ملڪ ۾ کربين ڊالر جي سيڙپڪاري ممڪن ٿي۔
هن وڌيڪ دعويٰ ڪئي ته 10 مهينن ۾ 8 جنگيون روڪيون ويون، ايران جو ايٽمي خطرو ختم ڪيو ويو ۽ غزه جي جنگ ختم ڪري 3000 سالن ۾ پهريون ڀيرو امن قائم ڪيو ويو.
ٽرمپ چيو ته زنده يا فوت ٿيل سڀ يرغمالي وطن واپس آندا ويا، ۽ آمريڪا کي نئين قانون سازي نه پر هڪ مضبوط ۽ فيصلو ڪندڙ صدر جي ضرورت هئي ۽ مون اهو ثابت ڪري ڏيکاريو آهي.
