لنڊن (ويب ڊيسڪ) برطانوي اخبار دي گارڊين پنهنجي تازي رپورٽ ۾ پاڪستان جي وزيراعظم ميان شهباز شريف جي سفارتي مهارتن جي واکاڻ ڪندي لکيو آهي ته امريڪي صدر ڊونلڊ ٽرمپ جي غير متوقع روين کي سنڀالڻ صرف شهباز شريف ئي ڄاڻي ٿو.
رپورٽ موجب، شرم الشيخ ۾ ٿيل غزه امن سربراهه اجلاس دوران صدر ٽرمپ جي حرڪتن ڪيترن ئي عالمي اڳواڻن کي پريشان ڪري ڇڏيو.
- هن اطالوي وزيراعظم جي حسن جي تعريف ڪئي
- برطانوي وزيراعظم ڪئير اسٽارمر کي بلايو ۽ اوچتو مائيڪ سنڀالي ورتو
- ڪينيڊا جي وزيراعظم کي مذاق ۾ “گورنر” سڏيو
دي گارڊين مطابق، واحد اڳواڻ جيڪو ٽرمپ جي روين کي مؤثر انداز ۾ سنڀالي سگهيو، اهو شهباز شريف هو.
- شهباز شريف پنهنجي تقرير دوران ٽرمپ جي دل کولي تعريف ڪئي
- جڏهن ٽرمپ ٻيهر اسٽيج ڏانهن وڌڻ لڳو ته شهباز شريف خوش اخلاقي سان روڪيو
- وزيراعظم پاڪستان پنهنجي ڳالهه مڪمل ڪئي، جنهن تي ٽرمپ به مسڪرائڻ تي مجبور ٿي ويو
رپورٽ ۾ وڌيڪ لکيو ويو آهي ته تقريب دوران ٽرمپ جي دير، بي ساخته تبصرن ۽ غير رسمي روين جي باوجود شهباز شريف سفارتي مهارت جو شاندار مظاهرو ڪيو ۽ امريڪي صدر کي مڪمل طور تي قابو ۾ رکيو.
هي واقعو عالمي سطح تي پاڪستان جي سفارتي صلاحيتن جي سڃاڻپ طور ڏٺو پيو وڃي، جتي وزيراعظم شهباز شريف نه صرف ماحول سنڀالي ورتو، پر ملڪ جي وقار کي به بلند ڪيو.
