اسلام آباد: بين الاقوامي مالياتي فنڊ (آءِ ايم ايف) جو جائزو مشن 7 ارب ڊالر جي پروگرام تي ڳالهين لاءِ پاڪستان پهچي ويو آهي.
ذريعن موجب، آءِ ايم ايف جو جائزو مشن اسلام آباد جي بدران ڪراچي پهچي ويو آهي، پاڪستان ۽ آءِ ايم ايف جي وچ ۾ ٽيڪنيڪل ڳالهيون اڄ کان شروع ٿينديون.
آءِ ايم ايف جو جائزو مشن اسٽيٽ بينڪ سان ٽيڪنيڪل ڳالهيون شروع ڪندو، مشن ٻن هفتن تائين پاڪستان جي معيشت جو تفصيلي جائزو وٺندو.
ذريعن جو چوڻ آهي ته 7 ارب ڊالر جي آءِ ايم ايف پروگرام تحت قسط جي ادائيگي مشن رپورٽ جي تابع هوندي.
آءِ ايم ايف جو جائزو مشن معيشت ۽ بجيٽ هدفن تي ٻوڏ جي اثر جو به جائزو وٺندو.
