اسلام آباد(ويب ڊيسڪ) پاڪستان لاءِ آءِ ايم ايف جي قرض پروگرام تحت هڪ ارب 20 ڪروڙ ڊالر جي ٽئين قسط جي منظوري بابت ايگزيڪيوٽو بورڊ جو اجلاس ڊسمبر ۾ ٿيندو.
ناڻي وزاري وزارت جي ذريعن موجب، آءِ ايم ايف جي اجلاس ۾ پاڪستان لاءِ ايڪسٽينڊڊ فنڊ فيسيلٽي (EFF) پروگرام تحت قسط جي منظوري ڏني ويندي، جڏهن ته موسمي تبديلي جي مالي مدد تحت 20 ڪروڙ ڊالر جا اضافي فنڊز به منظور ٿيڻ جو امڪان آهي.
واضح رهي ته پاڪستان ۽ آءِ ايم ايف جي وچ ۾ اسٽاف ليول معاهدو 15 آڪٽوبر تي طئي ٿيو هو، جنهن بعد اميد ظاهر ڪئي پئي وڃي ته جاري قرض پروگرام جي ايندڙ قسط جلد منظور ڪئي ويندي.
وزارت خزانه موجب، آءِ ايم ايف پاران پاڪستان کان سيل ٿيل معاشي انگ اکر ۽ پاليسين جي رپورٽ طلب ڪئي وئي آهي، جنهن جي بنياد تي اجلاس ۾ حتمي فيصلو ڪيو ويندو.
