ٺٽو رپورٽ: بلاول سمون
سنڌ ايمپلائيز الائنس جي سڏ تي ٺٽي ۾ ٽئين ڏينھن به سرڪاري تعليمي ادارن آفيسن ۽ اسپتالن جي تالابند هڙتال, ايمپلائيز الائنس ٺٽو پاران مڪلي تي پبلڪ پارڪ اڳيان احتجاجي ريلي ڪڍي مين ٺٽو ڪراچي قومي شاهراه تي ڌرڻو،
ٽئين ڏينھن تي به اسپتالن ۾ تالابند هڙتال سبب مريض دربدر, اسڪولن ۾ به استادن پاران تدريسي عمل جو مڪمل بائيڪاٽ, ھوڏانھن جنگشاھي رورل ھيلٿ سينٽر ۾ پڻ ملازم سراپا احتجاج بنيئل آفيسن ۾ به ڪم ڪار ٺپ بڻيل،
تالابند هڙتال کانپوء مختلف تنظيمن پاران ايمپلائيز الائنس جي سڏ تي مڪلي پبلڪ پارڪ اڳيان احتجاجي ريلي ڪڍي ڌرڻو هنيو ويو جنھن ۾ گسٽا, پ ٽ الف, سپلا, لوئر اسٽاف, آپڪا, لوڪل گورنمينٽ, پيراميڍيڪل سميت مختلف تنظيمون شامل, احتجاج ۾ عورت ملازم به وڏي انگ ۾ شريڪ
اُن موقعي تي اڳواڻن احمد نواز پٺاڻ غلام نبي خشڪ شريف تنيو علاوالدين بروهي عبدالطيف کتري ارباب سجاد سمون راجو قريشي حنيف چنڊ ۽ ٻين چيو ته پوري سنڌ ۾ سرڪاري ادارا بند آھن پر حڪومت پنهنجي هٺ ڌرمي تي قائم آھي ۽ ملازمن جا جائز مطالبا تسليم ڪرڻ لاء تيار نه آھي, هنن چيو ته 23 سيپٽمبر کان 27 سيپٽمبر تائين سرڪاري ادارن جي تالابند هڙتال کانپوء 6 آڪٽوبر تي ڪراچي ۾ بلاول هائوس اڳيان تاريخي ڌرڻو هنيو ويندو.
