ڪراچي (اسٽاف رپورٽر) مهران هاءِ وي تي ٿيندڙ مسلسل المناڪ حادثن جي خلاف توهين عدالت جي درخواست داخل ڪئي وئي، جيڪا ايڊووڪيٽ جهانگير شمس، ايڊووڪيٽ محمد عمار نوناري ۽ بئرسٽر علي حمزه فيض محمد طرفان داخل ڪئي وئي.
سنڌ هاءِ ڪورٽ معاملي جو نوٽيس وٺندي، لاڳاپيل اختيارين کي نوٽيس جاري ڪري ڇڏيا آهن. عدالت ايس ايس پي خيرپور، ايس ايس پي شهيد بينظير آباد، ايس ايس پي نوشهرو فيروز، ايس ايس پي ماتلي ۽ ٻين کي ذاتي حيثيت ۾ پيش ٿيڻ جو حڪم ڏنو آهي.
درخواست گذارن جو موقف آهي ته مهران هاءِ وي تي حفاظتي انتظامن جي کوٽ سبب ڪيترائي قيمتي انساني جانيون ضايع ٿي چڪيون آهن، جڏهن ته لاڳاپيل ادارا عدالتي حڪمن تي عملدرآمد ۾ ناڪام رهيا آهن.
