اسلام آباد (ويب ڊيسڪ) پاڪستان پيپلز پارٽي جي چيئرمين بلاول ڀٽو زرداري عالمي ڏينهن جي موقعي تي پاڪستان سميت دنيا جي سڀني نينگرين جي همت، حوصلي ۽ ثابت قدمي کي خراج تحسين پيش ڪيو آهي.
پنهنجي بيان ۾ بلاول ڀٽو چيو ته “اسان جون بيٽيون اسان جو فخر ۽ مستقبل آهن، ۽ هر نينگري کي تعليم، صحت، تحفظ ۽ موقعن تائين مساوي رسائي ڏيڻ پيپلز پارٽي جي مشن جو بنيادي حصو آهي.”
هن وڌيڪ چيو ته هي اصول شهيد ذوالفقار علي ڀٽو جي ويزن جو اهم جز ۽ شهيد محترمه بينظير ڀٽو جو روشن خواب آهي. بلاول ڀٽو موجب، “جڏهن هڪ نينگري تعليم يافته ۽ بااختيار ٿيندي آهي ته هوءَ صرف پنهنجي زندگي نه، پر سڄي قوم جي ترقيءَ ۾ اهم ڪردار ادا ڪندي آهي.”
هن عزم جو اظهار ڪيو ته “اسان اهڙو پاڪستان ٺاهينداسين جتي هر نينگري کي سکڻ، اڳتي وڌڻ ۽ قيادت ڪرڻ جي آزادي حاصل هجي، ۽ ان لاءِ مناسب موقعا فراهم ڪيا وڃن.”
چيئرمين پيپلز پارٽي پنهنجي پيغام جي پڄاڻيءَ تي چيو ته “قوم جو مستقبل ان جي نينگرين جي ڪاميابين ۾ جھلڪندو آهي، ۽ پيپلز پارٽي جو ويزن اهڙو پاڪستان آهي جتي هر نينگري آزادي ۽ برابري سان پنهنجا خواب پورا ڪري سگهي.“
