اسلام آباد – برطانيا جي هاءِ ڪمشنر جين ميرٽ نائب وزيراعظم ۽ پرڏيهي وزير سينيٽر محمد اسحاق ڊار سان ملاقات ڪئي، جنهن دوران پاڪستان ۽ برطانيا جي وچ ۾ ٻه طرفي لاڳاپن جي واڌاري ۽ حاليه اعليٰ سطحي رابطن تي اطمينان جو اظهار ڪيو ويو.
پرڏيھي آفيس جي ترجمان موجب، ملاقات دوران ٻنهي ملڪن جي وچ ۾ تعاون جي نون موقعن تي به ڳالهه ٻولهه ٿي. نائب وزيراعظم اسحاق ڊار پاڪستان-برطانيا لاڳاپن ۾ لڳاتار بهتري کي ساراهيندي چيو ته ٻنهي ملڪن جي وچ ۾ لاڳاپا وڌيڪ مضبوط ٿي رهيا آهن.
ان موقعي تي ٻنهي اڳواڻن خطي ۽ عالمي سطح تي سياسي ۽ معاشي حالتن تي به خيالن جي ڏي وٺ ڪئي.
