اسلام آباد (ويب ڊيسڪ) گلگت بلتستان جي 78هين يومِ آزادي جي موقعي تي صدرِ آصف علي زرداري تقريب ۾ مهمانِ خاص طور شرڪت ڪئي، جتي هن پريڊ جو معائنو ڪيو ۽ گورنر گلگت بلتستان پاران کيس روايتي ٽوپي پيش ڪئي وئي۔
تقريب کي خطاب ڪندي صدر زرداري چيو ته 1947ع جي 1 نومبر تي گلگت بلتستان جي عوام عظيم قربانيون ڏئي آزادي حاصل ڪئي، ۽ انهن بهادرن کي سلام پيش ڪيو جن جنگِ آزادي ۾ پنهنجون جانيون قربان ڪيون۔
صدرِ جو چوڻ هو ته مقبوضه ڪشمير جي آزادي وقت جي اهم ضرورت آهي، جتي ڀارت ۾ مسلمانن سميت اقليتن تي ظلم ۽ جبر جو بازار گرم آهي۔ هن چيو ته گلگت بلتستان جي عوام ملڪي ترقي لاءِ شانه بشانه ڪم ڪري رهيا آهن، ۽ هن خطي جا پهاڙ معدنيات سان مالا مال آهن، جيڪي پاڪستان جي معاشي مستقبل لاءِ اهم وسيلو بڻجي سگهن ٿا۔
صدر زرداري گلگت بلتستان جي عوام جي حب الوطني، قربانين ۽ اتحاد کي ساراهيندي چيو ته انهن جي جذبي کي ڏسي دل خوش ٿي وئي۔ تقريب ۾ قومي جذبي سان ڀريل ماحول ۾ آزادي جي تاريخي جدوجهد کي ياد ڪيو ويو۔
