ممبئي (شوبز نيوز) بالي ووڊ جي مشهور جوڙي ڪترينا ڪيف ۽ وڪي ڪوشل پنهنجي مداحن کي خوشخبري ڏني آهي ته انهن جي گهر پٽ جي پيدائش ٿي آهي. جوڙي سوشل ميڊيا تي گڏيل پوسٽ ذريعي پنهنجي خوشي جو اظهار ڪندي لکيو ته “اسان جو خوشين جو تحفو دنيا ۾ اچي چڪو آهي.”
پوسٽ ۾ هنن پنهنجي پٽ جي آمد کي زندگي جو سڀ کان خوشگوار لمحون قرار ڏنو ۽ مداحن جي محبت ۽ نيڪ خواهشن تي ٿورائتو ظاهر ڪيو. جيتوڻيڪ پيدائش جي تاريخ شيئر ڪئي وئي، پر ٻار جو نالو اڃا ظاهر نه ڪيو ويو آهي.
وڪي ڪوشل جو ڀاءُ، اداڪار سني ڪوشل، به انسٽاگرام اسٽوري ذريعي پنهنجي خوشي جو اظهار ڪندي لکيو ته “مان هاڻ چاچو بڻجي ويو آهيان.”
فلمي دنيا جي ڪيترن ئي شخصيتن، جن ۾ ماڌوري ڊڪشت، پري نيتا چوپڙا، شريا گھوشال، ۽ زويا اختر شامل آهن، جوڙي کي مبارڪباد ڏني ۽ نيڪ خواهشن جو اظهار ڪيو.
