مدينه (ويب ڊيسڪ) سعودي عرب جي مقدس شهرن جي وچ ۾ سفر ڪندڙ عمره زائرين جي بس ڊيزل ٽينڪر سان ٽڪرائجي وئي، جنهن جي نتيجي ۾ 42 ڀارتي شهري فوت ٿي ويا. حادثو مديني کان مڪي ويندي پيش آيو، جتي بس ۾ سوار زائرين جو تعلق ڀارت جي مختلف علائقن، خاص طور تي حيدرآباد سان هو.
حادثي کان پوءِ هنگامي امدادي ٽيمون ۽ مقامي اختيارين فوري طور تي واقعي واري هنڌ تي پهچي ويون، جتي زخمين کي اسپتال منتقل ڪرڻ ۽ فوت ٿيلن جي سڃاڻپ جو عمل جاري آهي.
سعودي سيڪريٽريٽ طرفان هڪ خصوصي ڪنٽرول روم قائم ڪيو ويو آهي، جيڪو متاثر خاندانن کي معلومات فراهم ڪرڻ لاءِ 24 ڪلاڪ ڪم ڪندو. ان سان گڏ، ڀارتي قونصليٽ جنرل جدہ طرفان به هڪ هيلپ لائن قائم ڪئي وئي آهي، جتي متاثرن جا وارث رابطو ڪري سگهن ٿا.
هيلپ لائن نمبر:
- 8002440003
- 4102192693
- 0126614276
- 0556122301 واٽس ايپ
هي حادثو نه رڳو انساني الميو آهي، پر عمره زائرين جي سفر جي حفاظت بابت نئين سوالن کي جنم ڏئي ٿو. سعودي اختيارين طرفان جاچ ۽ حفاظتي قدم کڻڻ جي اميد ڪئي پئي وڃي.
