ڪراچي (ويب ڊيسڪ) سعودي عرب جي اترين علائقن تبوڪ ۽ حائل ۾ غير متوقع برفباري ماڻهن لاءِ خوشي جو سبب بڻجي وئي۔ اردن جي سرحد جي ويجهو واقع جبل اللوز جا جابلو علائقا سفيد چادر ۾ ويڙهجي ويا، جنهن کان پوءِ مقامي ماڻهو ٻاهر نڪري برف ۾ کيڏڻ، تصويرون ڪڍڻ ۽ اسڪيٽنگ جو مزو وٺڻ لڳا۔
عاصفة ثلجية خفيفة تضرب مرتفعات جبل اللوز ظهر اليوم pic.twitter.com/vaA211Ni5h
— أ.د. عبدالله المسند (@ALMISNID) December 17, 2025
سوشل ميڊيا تي وائرل ٿيندڙ وڊيوز ۾ ڏٺو ويو ته خاندان ۽ دوستن جا گروپ برف تي هلندي، تصويرون ٺاهي، روايتي رقص پيش ڪندي ۽ اسڪيئنگ ڪندي خوشي جو اظهار ڪري رهيا آهن۔ جبل اللوز جي اوچائين تي ماڻهو برف ۾ کلندي ۽ راند ڪندي نظر آيا۔
سعودي ميڊيا موجب تبوڪ ۽ حائل جي ڪيترن ئي جابلو علائقن ۾ برفباري ٿي، جڏهن ته رياض جي اتر ۾ الغاط ۾ به هلڪي برفباري ڏٺي وئي۔ هي منظر ڪيترن ئي ڏهاڪن ۾ هڪ ناياب مظاهرو قرار ڏنو پيو وڃي۔
سعودي نيشنل سينٽر آف ميٽيورولوجي اڳ ۾ ئي درجه حرارت ۾ اوچتي گهٽتائي ۽ اترين جابلو علائقن ۾ برفباري جي اڳڪٿي ڪئي هئي۔ موسميات جي ماهرن موجب هي صورتحال وچ اوڀر جي ڪجهه حصن ۾ اونهي گهٽ دٻاءَ واري نظام سبب پيدا ٿي، جنهن سان گڏ تيز برسات، ٿڌي هوائن ۽ برفباري جو سلسلو جاري آهي۔
