اسلام آباد(ويب ڊيسڪ) 27هين آئيني ترميم جي نتيجي ۾ سپريم جوڊيشل ڪونسل، جوڊيشل ڪميشن ۽ پريڪٽس اينڊ پروسيجر ڪميٽي جي ٻيهر جوڙ جڪ ڪئي وئي آهي۔
سپريم ڪورٽ جي پڌرائي موجب ٻنهي چيف جسٽس صاحبان جي مشاورت سان جسٽس جمال خان مندوخيل سپريم جوڊيشل ڪونسل جو ميمبر مقرر ٿيو، جڏهن ته جسٽس عامر فاروق کي جوڊيشل ڪميشن جو ميمبر نامزد ڪيو ويو.
چيف جسٽس يحييٰ آفريدي سپريم جوڊيشل ڪونسل جي سربراهي سنڀاليندو، جڏهن ته چيف جسٽس امين الدين خان، جسٽس منيب اختر، جسٽس حسن رضوي ۽ جسٽس جمال مندوخيل پڻ ڪونسل جا ميمبر هوندا.
جوڊيشل ڪميشن ۾ چيف جسٽس يحييٰ آفريدي سربراهه هوندو، جنهن ۾ چيف جسٽس امين خان، جسٽس منيب اختر، جسٽس حسن رضوي ۽ جسٽس عامر فاروق شامل ڪيا ويا. ان سان گڏ قانون وارو وفاقي وزير اعظم نظير تارڙ، اٽارني جنرل منصور اعواڻ، حڪومت ۽ اپوزيشن جا ٻه ٻه پارليماني ميمبر، پاڪستان بار ڪونسل جو نامزد وڪيل ۽ قومي اسيمبلي جي اسپيڪر طرفان نامزد ڪيل عورت ميمبر پڻ ڪميشن جو حصو هوندي.
