اسلام آباد: پاڪستان جي فوجي ڍانچي ۾ اهم تبديلي اچي وئي آهي، 27هين آئيني ترميم تحت چيئرمين جوائنٽ چيفس آف اسٽاف ڪميٽي جو عهدو ختم ڪيو ويو آهي. ان سان گڏ جنرل ساحر شمشاد مرزا پنهنجي ذميوارين مان آجو ٿي ويا.
سبڪدوش ٿيندڙ چيئرمين جنرل ساحر شمشاد مرزا وزيراعظم شهباز شريف سان الوداعي ملاقات ڪئي، جنهن ۾ وزيراعظم سندن پيشه ورانه صلاحيتن ۽ ملڪ لاءِ خدمتن جي واکاڻ ڪئي.
رپورٽن موجب جنرل ساحر شمشاد مرزا مسلح افواج جا 18هين ۽ آخري چيئرمين جوائنٽ چيفس آف اسٽاف ڪميٽي آهن، جيڪي 27 نومبر 2025 تي مقرر مدت پوري ڪري رخصت ٿيا. آئيني ترميم کان پوءِ هاڻي ڪو نئون چيئرمين مقرر نه ڪيو ويندو.
ياد رهي ته پهريون چيئرمين جوائنٽ چيفس آف اسٽاف ڪميٽي جنرل محمد شريف هئا، جن کي 1 مارچ 1976 تي وزيراعظم ذوالفقار علي ڀٽو مقرر ڪيو هو. ان کان پوءِ ايڊمرل محمد شريف ۽ ايڊمرل افتخار احمد سروهي نيـوي مان، جڏهن ته ايئر فورس مان صرف ايئر چيـف مارشل فاروق فيروز خان هن عهدو سنڀاليو هو.
