اسلام آباد: وزيراعظم شهباز شريف فيلڊ مارشل سيد عاصم منير کي چيـف آف آرمي اسٽاف ۽ چيـف آف ڊيـفنس فورسز مقرر ڪرڻ جي سمري منظور ڪري ايوانِ صدر ڏانهن موڪلي ڇڏي آهي.
هي نئون عهدو پنجن سالن لاءِ هوندو، ۽ عاصم منير ملڪ جي تاريخ ۾ پهريون شخص هوندو جيڪو چيـف آف ڊفنس فورسز جي حيثيت سان خدمتون انجام ڏيندو.
ذريعن موجب، نئين جوڙجڪ تحت چيـف آف ڊيـفنس فورسز جو عهدو قومي سلامتي جي ادارن جي هم آهنگي ۽ گڏيل حڪمت عملي کي وڌيڪ مضبوط بڻائڻ لاءِ قائم ڪيو ويو آهي.
ساڳئي وقت، وزيراعظم ايئر چيـف مارشل ظهير احمد بابر سدھو جي ملازمت ۾ به ٻن سالن جي واڌ جي منظوري ڏني آهي.
هي واڌ مارچ 2026 ۾ سندن موجوده پنج سالن جو مدو مڪمل ٿيڻ کان پوءِ لاڳو ٿيندي.
