ڪراچي: ايم اي جناح روڊ تي مشهور واپاري مرڪز گل پلازہ ۾ لڳل باهه شدت اختيار ڪري وئي، جنهن کي ٽئين درجي جي قرار ڏنو ويو آهي، حادثي ۾ هن وقت تائين 4 ڄڻا فوت ۽ 20 کان وڌيڪ زخمي ٿيا، جن مان 8 باهه ۾ سڙي زخمي ٿيا ۽ ڪيترن جي حالت نازڪ آهي.
باهه کان پوءِ گورنر سنڌ واقعي واري هنڌ پهتا ۽ متاثر دڪاندارن سان ملاقات ڪئي۔ دڪاندارن شڪايت ڪئي ته فائربريگيڊ دير سان پهتي ۽ گاڏين ۾ پاڻي موجود نه هو. گورنر سنڌ جواب ۾ چيو ته هن وقت سڀ کان اهم ڳالهه انساني جانين کي بچائڻ آهي، باقي معاملا بعد ۾ ڏٺا ويندا.
گورنر سنڌ جو چوڻ هو ته عمارت ۾ ماڻهن جي ڦاٿل هجڻ جي ڪا حتمي تصديق ناهي، جڏهن ته دڪاندارن جو چوڻ آهي ته سئو کان وڌيڪ ماڻهو اندر ڦاٿل آهن.
ٻئي طرف ميئر ڪراچي مرتضيٰ وهاب جاني نقصان تي افسوس جو اظهار ڪندي سڀني بلدياتي ادارن کي الرٽ رهڻ جي هدايت ڪئي۔ سندس حڪم تي ميونسپل ڪمشنر جي سربراهي ۾ بلديہ عظميٰ جي هيٺيون مشينري به واقعي واري هنڌ پهچي وئي.
