اسلام آباد: ازبڪستان جو صدر شوڪت مرزائييوف ٻن ڏينهن جي سرڪاري دوري تي اسلام آباد پهچي ويو، جتي صدر آصف علي زرداري ۽ وزيراعظم شهباز شريف نور خان ايئر بيس تي سندس شاندار آجيان ڪئي.
استقبال جي موقعي تي معزز مهمان کي 21 توپن جي سلامي پيش ڪئي وئي، جڏهن ته سُڌ سماءَ واري وفاقي وزير عطا الله تارڙ ۽ وزيراعظم جو خاص معاون هارون اختر خان به موجود هو. ازبڪ صدر جو هي دورو ٻنهي ملڪن جي وچ ۾ ٻطرفي لاڳاپن جي واڌاري لاءِ اهم قرار ڏنو پيو وڃي.
وزيراعظم هائوس آمد تي صدر شوڪت مرزائييوف جي اعزاز ۾ استقباليه تقريب منعقد ٿي، جتي وزيراعظم شهباز شريف سندس استقبال ڪيو. هٿياربند فواج جي چاق و چوبند دستي سلامي پيش ڪئي ۽ ٻنهي ملڪن جا ترانا وڄايا ويا. وزيراعظم تقريب ۾ موجود ڪابينا جي ميمبرن جو تعارف به ڪرايو.
